Kompaniya yangiliklari

Buxoro temir yo‘l vokzalida kutish joylari kengaytirildi

Buxoro temir yo‘l vokzalida yo‘lovchilar uchun yaratilgan sharoitlar izchil yaxshilanmoqda.
Avval vokzalda bir vaqtning o‘zida o‘rtacha 800 nafar yo‘lovchini kutish joylari mavjud edi.
Amalga oshirilgan ishlar natijasida qo‘shimcha 208 ta o‘rin tashkil etilib, umumiy ko‘rsatkich 1008 taga yetkazildi.

🚆 Yangilangan kutish hududlari: — yoz oylarida salqin va qulay muhit
— qish mavsumida iliq va shinam sharoit
— keng va tartibli joylashuv orqali gavjumlikning kamayishi

Mazkur o‘zgarishlar yo‘lovchilarga yanada qulay va sifatli xizmat ko‘rsatishni ta’minlaydi.

Umumxalq xayriya hashari o'tkazildi

“Yurt obodligi – avvalo mahalladan boshlanadi!” shiori ostida “Temir yoʻl vokzallari” MChJ tasarrufidagi vokzallarda umumxalq xayriya hashari oʻtkazildi.

Hashar davomida vokzal hududlari va unga tutash joylarda keng ko‘lamli obodonlashtirish ishlari amalga oshirildi. Xususan, hududlar tozalanib, ko‘cha va yo‘laklar tartibga keltirildi, daraxtlarga oqlash va butalash ishlari bajarildi.

Shuningdek, “Yashil makon” umummilliy loyihasi doirasida ko‘kalamzorlashtirish ishlari davom ettirilib, hududlarni yanada obod va ko‘rkam qilishga alohida e’tibor qaratildi.

Hurmatli aziz ayollar! 8-mart — Xotin-qizlar kuni munosabati bilan sizlarni chin qalbimizdan samimiy tabriklaymiz.

Jamiyatimizda ayollarning o‘rni beqiyos. Sizlar o‘z mehr-muhabbatingiz, sabr-toqatingiz va fidokorona mehnatingiz bilan nafaqat oilangizda, balki jamiyatimiz taraqqiyotida ham muhim o‘rin tutasiz. Har bir sohada erishilayotgan yutuqlarda sizlarning hissangiz katta.

Sizlarga mustahkam sog‘liq, oilaviy baxt-saodat, cheksiz quvonch va ishlaringizda ulkan muvaffaqiyatlar tilaymiz. Har bir kuningiz bahordek go‘zal, qalbingiz doimo quvonchga to‘la bo‘lsin.

Yana bir bor bayramingiz muborak bo‘lsin!

“Yashil makon” doirasida Qarshi va Shahrisabz vokzallari yanada obod bo‘lmoqda

“Yashil makon” umummilliy loyihasi doirasida Qarshi hamda Shahrisabz temir yo‘l vokzallari hududlarida ko‘kalamzorlashtirish va obodonlashtirish ishlari olib borilmoqda.
Amalga oshirilayotgan tadbirlar doirasida manzarali daraxt va butalar ekilib, hududlar tartibga keltirilmoqda, mavjud yashil maydonlar yangilanmoqda. Bu ishlar vokzallar atrofi yanada ko‘rkam va qulay maskanga aylanishiga xizmat qiladi.

Toshkent-Janubiy temir yo‘l vokzalida ham yashil hududlar kengaymoqda

Kuni kecha “Toshkent-Janubiy” temir yo‘l vokzali atrofida ko‘chat ekish va hududni obodonlashtirish ishlari olib borildi. Loyiha doirasida turli xil manzarali daraxtlar ekilib, mavjud maydonlar tartibga keltirildi.

Amalga oshirilayotgan ishlar vokzal hududini yanada shinam va ko‘rkam ko‘rinishga keltirishga xizmat qiladi. Yangi ekilgan ko‘chatlar esa kelajakda soya-salqin va musaffo muhit yaratadi.

Angren temir yo‘l vokzalida ko‘kalamzorlashtirish ishlari olib borilmoqda

Angren temir yo‘l vokzali hududida “Yashil makon” loyihasi doirasida ko‘chat ekish ishlari amalga oshirilmoqda.

Vokzal atrofi obodonlashtirilib, ko‘plab daraxt va buta ko‘chatlari o‘tqazilmoqda. Bu ishlar hududni yanada chiroyli va yashil qilishga xizmat qiladi.

Yashil hudud — toza havo va chiroyli muhit demak.