Kompaniya yangiliklari

🚆Temir yo‘l sohasida xalqaro tajriba almashinuvi

Rossiya Federatsiyasi temir yo‘llarining yo‘lovchi tashish sohasi rahbarlari uchun tajriba almashish dasturi doirasida “O‘ztemiryo‘lyo‘lovchi” AJ tomonidan Rossiya delegatsiyasi bilan rasmiy uchrashuv o‘tkazildi.

Uchrashuvda yo‘lovchi tashish xizmatlarini takomillashtirish, xizmat sifatini oshirish, zamonaviy texnologiyalarni joriy etish va ilg‘or tajriba almashish masalalari muhokama qilindi.

Shuningdek, delegatsiya “O‘zbekiston temir yo‘llari” AJ tizimidagi yo‘lovchi xo‘jaligi obyektlari faoliyati bilan tanishdi.

Tomonlar hamkorlikni mustahkamlash va tajriba almashinuvini davom ettirish muhimligini ta’kidladilar.

🚆 Toshkent – Andijon yo‘nalishida yangi elektropoyezd qatnovi yo‘lga qo‘yiladi

10-sentabrdan boshlab 730/729-sonli “Toshkent – Andijon – Toshkent” yo‘nalishida amaldagi poyezd tarkibi o‘rniga zamonaviy “CRRC-Dalian” elektropoyezdi qatnovi tashkil etiladi.

730-sonli Toshkent – Andijon yo‘nalishi:
▫️ Toshkent-Yo‘lovchi — 09:20
▫️ Angren — 10:25
▫️ Pop — 12:02
▫️ Qo‘qon — 12:30
▫️ Marg‘ilon — 13:02
▫️ Andijon — 13:35

729-sonli Andijon – Toshkent yo‘nalishi:
▫️ Andijon — 15:38
▫️ Marg‘ilon — 16:13
▫️ Qo‘qon — 16:45
▫️ Pop — 17:13
▫️ Angren — 18:50
▫️ Toshkent-Yo‘lovchi — 19:53

🚉 Elektropoyezd 4 ta ekonom klass vagonidan iborat bo‘lib, jami 357 ta yo‘lovchi o‘rniga ega.

Shuningdek, 10-sentabrdan Toshkent – Farg‘ona vodiysi yo‘nalishida harakatlanuvchi ayrim yo‘lovchi poyezdlarining harakat jadvaliga o‘zgartirishlar kiritiladi.

Yo‘lovchilardan safar oldidan yangilangan harakat jadvaliga e’tibor qaratish so‘raladi.

MUSTАQILLIKNING 35 YILLIGI BАYRАMI АRАFАSIDА YO‘LOVCHILАRGА MUNOSIB SOVGʼА

Yurtimizda mamlakatimiz mustaqilligining 35 yilligi bayrami keng nishonlanayotgan ayni kunlarda, “Temir yoʼl vokzallari” MCHJ tomonidan 📍Samarqand temir yo‘l vokzalida yo‘lovchilarga munosib sovgʼa tayyorlandi.

Bir kunda o‘rtacha 3-3,5 ming yo‘lovchiga xizmat ko‘rsatadigan ushbu temir yo‘l vokzalida yo‘lovchilarga qo‘shimcha qulayliklar yaratish maqsadida yer osti yo‘lida zamonaviy lift va eskalator xizmatlari ishga tushirildi.

31-avgustdan boshlab, yo‘lovchilar 1-yo‘ldan 2-yo‘lga, shuningdek, boshqa yo‘llarga tez hamda qulay va xavfsiz o‘tish imkoniyatiga ega bo‘ldilar.

Ushbu saʼyi harakatlar nafaqat oddiy yo‘lovchilar, yoki sayyohlarga, balki temir yo‘l xizmatidan foydalanadigan yoshi ulugʼ, yosh bolali hamda imkoniyati cheklangan yo‘lovchilar uchun juda qulay imkoniyatdir.

#Mustaqillik35 Aziz yurtdoshlar!

“Temir yo‘l vokzallari” MChJ jamoasi nomidan Sizlarni O‘zbekiston Respublikasi Mustaqilligining 35 yilligi munosabati bilan samimiy muborakbod etamiz!

Yurtimiz tinch va osoyishta, xalqimiz farovon, Vatanimiz taraqqiyoti bardavom bo‘lsin. Ushbu qutlug‘ bayram barchamizga yangi kuch-g‘ayrat, ulkan zafarlar va yorqin kelajak sari ilhom bag‘ishlasin!

Mustaqilligimiz abadiy, Vatanimiz ravnaqi bardavom bo‘lsin!

MUSTAQILLIK BAYRAMI ARAFASIDA TO‘RTKO‘L VOKZALI YANGI QIYOFADA FOYDALANISHGA TOPSHIRILDI

✅ O‘zbekiston Respublikasi Mustaqilligining 35 yilligi munosabati bilan rekonstruksiya qilingan To‘rtko‘l vokzalining ochilish marosimi bo‘lib o‘tdi.

2001-yilda qurilgan To‘rtko‘l vokzali 2026-yilda to‘liq rekonstruksiya qilinib, yo‘lovchilarga xizmat ko‘rsatish sifati va qulayligini oshirishga qaratilgan zamonaviy sharoitlar yaratildi.

➡️Rekonstruksiya ishlari doirasida vokzal binosining ichki va tashqi qismi yangilanib, zamonaviy kutish zali tashkil etildi, yangi o‘rindiqlar o‘rnatildi, poyezdlar harakati haqida tezkor ma’lumot beruvchi elektron axborot tablosi joriy qilindi hamda bepul Wi-Fi xizmati yo‘lga qo‘yildi.

Shuningdek, vokzalda ilgari mavjud bo‘lmagan zamonaviy VIP zal barpo etildi. Mazkur zal yo‘lovchilarga poyezdni qulay va shinam sharoitda kutish hamda yuqori darajadagi servis xizmatlaridan foydalanish imkonini beradi.

➡️Imkoniyati cheklangan va nogironligi bo‘lgan yo‘lovchilar uchun ham tegishli qulayliklar yaratildi. Yo‘lovchilarning yuklarini tashish uchun maxsus yuk aravalari bilan ta’minlandi.

📌Vokzalning tashqi hududi obodonlashtirilib, ko‘kalamzorlashtirish ishlari amalga oshirildi. Shu bilan birga, vokzal hududida chakana savdo, bankomat, aloqa uskunalari va ofis xizmatlari faoliyati yo‘lga qo‘yilgan.

👥 Bugungi kunda To‘rtko‘l vokzali Qoraqalpog‘iston Respublikasining muhim temir yo‘l transporti obyektlaridan biri bo‘lib, kuniga o‘rtacha 150–200 nafar yo‘lovchiga xizmat ko‘rsatadi. Bir sutkada o‘rtacha 4 ta yo‘lovchi poyezdi qabul qilinib, jo‘natiladi.

Yangilangan To‘rtko‘l vokzali yo‘lovchilarga zamonaviy, xavfsiz va yoʻlovchilar uchun yanada qulay imkoniyat!

 Mustaqilligimizning 35 yilligi muborak bo‘lsin!

🚉 DUNYODAGI ENG UZUN TEMIR YO‘L PLATFORMASI

Hindistonning Hubballi vokzalidagi 1-platformaning uzunligi 1 507 metr — ya’ni 1,5 kilometrdan ham uzun!

Bu platforma 2023-yil 12-yanvarda Guinness World Records tomonidan dunyodagi eng uzun temir yo‘l platformasi sifatida tasdiqlangan.