Kompaniya yangiliklari

🚄 "Afrosiyob" endi Guliston vokzalida ham to'xtaydi!

14-iyuldan boshlab "Afrosiyob" yuqori tezlikdagi poyezdi Guliston vokzalida ham to'xtaydi. Endilikda Sirdaryo viloyati aholisi va mehmonlari Guliston vokzalidan Toshkent hamda Samarqand yo'nalishlarida yuqori tezlikdagi poyezd xizmatlaridan yanada qulay foydalanishlari mumkin.

🕗 Guliston vokzalidagi harakat vaqtlari:
➡️ Samarqand yo'nalishi — 08:50
⬅️ Toshkent yo'nalishi — 19:18

🎫 Chiptalarni temir yo'lning rasmiy savdo platformalari va temir yo'l kassalari orqali xarid qilishingiz mumkin.

Toshkent, Samarqand, Buxoro, Xiva va Shahrisabz temir yo‘l vokzallari davlat-xususiy sheriklik (DXSh) loyihalari asosida rekonstruksiya qilininib, boshqaruvga beriladi

Joriy yil 17 iyun kuni “Temir yo‘l vokzallari” MChJda Osiyo taraqqiyot banki vakillari hamda xalqaro ekspertlar va konsultantlar ishtirokida uchrashuv bo‘lib o‘tdi.

Mazkur uchrashuvda Transport vazirligi Temir yo‘l transporti boshqarmasi boshlig‘ining o'rinbosari S. Axborxonov, "O'ztemiryo'lyo'lovchi" AJ Bosh direktori birinchi o'rinbosari S. Xamidov, "Temir yo'l vokzallari" MChJ direktori M. Mamaraimov hamda mutasaddi xodimlar ishtirok etishdi.

Unda Toshkent, Samarqand, Buxoro, Xiva va Shahrisabz temir yo‘l vokzallarini DXSh loyihalari asosida rekonstruksiya qilish va boshqaruvga berish, loyihalarining joriy holati hamda istiqboldagi vazifalari muhokama qilindi.

Uchrashuvda xorijiy ekspertlar Zoom platformasi orqali onlayn tarzda ishtirok etib, temir yo‘l vokzallarini modernizatsiya qilish, investitsiyalarni jalb etish, xizmatlar sifatini xalqaro standartlar asosida rivojlantirish hamda DXSh loyihalarini samarali amalga oshirish bo‘yicha o‘z tavsiya va takliflarini bildirdilar.

Tomonlar temir yo‘l vokzallarini zamonaviy transport va servis markazlariga aylantirish hamda loyihalarni muvaffaqiyatli amalga oshirish yuzasidan hamkorlikni davom ettirishga kelishib oldilar.

“Temir yo‘l vokzallari” mas’uliyati cheklangan jamiyati barcha yurtdoshlarimizni muborak Qurbon hayiti ayyomi bilan samimiy tabriklaydi!

Ushbu qutlug‘ bayram kunlarida har bir xonadonga tinchlik-xotirjamlik, fayzu baraka, mehr-oqibat va farovonlik tilaymiz. Yurtimiz osmoni musaffo, xalqimiz hamisha sog‘-salomat va baxtiyor bo‘lsin.

Qurbon hayiti barchamizga ezgulik, saxovat va birlik ruhini olib kelsin!

Prezident hojilari Toshkent-Shimoliy temir yo‘l vokzalida tantanali ravishda kutib olindi

Buxoro, Navoiy, Samarqand, Jizzax, Andijon hamda Namangan viloyatlaridan muborak Haj safariga yo‘l olgan Prezident hojilarini kuzatish marosimi yuqori saviyada va ko‘tarinki ruhda tashkil etildi.

Mazkur tadbirda mutasaddi rahbarlar, nuroniylar, diniy soha vakillari, keng jamoatchilik hamda hojilarning yaqinlari ishtirok etdi. Tadbir davomida yurtimizda hojilarga yaratilayotgan sharoitlar, ularning muqaddas safarni emin-erkin va xavfsiz amalga oshirishlari uchun ko‘rsatilayotgan e’tibor alohida ta’kidlandi.

Marosim samimiy tilaklar, duolar va ezgu niyatlar ostida o‘tdi. Hojilarga oq yo‘l tilanib, ularning muborak safardan sog‘-salomat qaytishlari so‘rab duo qilindi.

9-MAY — XOTIRA VA QADRLASH KUNI

Bu kun — Vatan ozodligi yo‘lida jon fido qilgan, jang maydonlarida mislsiz jasorat ko‘rsatgan qahramon ajdodlarimiz xotirasiga chuqur ehtirom ko‘rsatish kunidir. Ularning fidoyiligi tufayli bugungi tinch va osoyishta hayotimiz barpo etilgan.

Bugun oramizda yashab kelayotgan urush va mehnat faxriylari, nuroniy otaxon va onaxonlarimizga yuksak hurmat bajo keltiramiz. Ularning hayot yo‘li, matonati va sabr-toqati har birimiz uchun ibratdir.

Qahramonlar xotirasi qalblarimizda abadiy yashaydi.
Ularning jasorati hech qachon unutilmaydi.

Toshkent-Janubiy temir yo‘l vokzalida tashkil etilgan press-tur doirasida ommaviy axborot vositalari vakillari uchun yangi xizmat infratuzilmasi taqdim etildi.

Tadbir davomida jurnalistlar yaratilgan sharoitlar, xizmat sifati va qulayliklar bilan yaqindan tanishdilar.
Press-tur davomida vokzal hududida “Qo‘noq Hotels” tarmog‘ining zamonaviy mehmonxonasi ish boshlagani ta’kidlandi. Mehmonxona bir vaqtning o‘zida 50 nafardan ortiq mehmonni qabul qilish imkoniyatiga ega bo‘lib, zamonaviy xonalar, nonushta xizmati hamda qo‘shimcha servislar bilan ta’minlangan.

Mazkur loyiha yo‘lovchilar va poytaxt mehmonlari uchun yanada qulay va sifatli xizmat ko‘rsatishni ta’minlashga xizmat qiladi.