O‘zbekiston temir yo‘llarining muhim voqealari, rasmiy bayonotlari va o‘zgarishlari — real vaqt rejimida.
“Temir yo‘l vokzallari” MChJ tizimida faoliyat yuritayotgan yosh xodimlar bilan ochiq muloqot tashkil etildi. Unda direktorning marketing va servis xizmatlarini rivojlantirish bo‘yicha o‘rinbosari F. Nazarov ishtirok etib, yoshlarning taklif, tashabbus va murojaatlarini tingladi hamda ularni amaliy jihatdan o‘rganib chiqdi.
“Temir yo‘l vokzallari” MCHJ tizimidagi vokzallarda har juma kuni milliy liboslar kuni sifatida nishonlanmoqda. Ushbu tashabbus milliy qadriyatlarimizni asrab-avaylash, ularni keng targ‘ib qilish hamda ish muhitida milliy ruhni mustahkamlashga xizmat qiladi.
Vokzal xodimlari milliy liboslarda faoliyat olib borib, yo‘lovchilarga xizmat ko‘rsatish bilan birga, milliy an’analarimiz va boy madaniyatimizga hurmat ifodasini namoyon etmoqda.
Zahiriddin Muhammad Bobur 1483-yil 14-fevralda Andijon shahrida tavallud topgan. Amir Temur avlodi bo‘lgan Bobur yoshligidanoq o‘zining jasorati, qat’iyati va yuksak tafakkuri bilan tarix sahnasida munosib o‘rin egalladi.
U asos solgan Boburiylar saltanati uzoq yillar davomida yirik va qudratli davlat sifatida tarixda muhim ahamiyat kasb etdi. Bobur nafaqat mohir sarkarda va davlat arbobi, balki ulug‘ shoir va mutafakkir sifatida ham boy ma’naviy meros qoldirdi.
Bugun buyuk bobokalonimiz tavalludining 543 yilligi yurtimiz bo‘ylab munosib ehtirom bilan nishonlanmoqda.
Kuni kecha “Temir yo‘l vokzallari” MCHJ mas’ul xodimlari tomonidan Buxoro temir yo'l vokzalida faoliyat yuritayotgan ijarachi tadbirkorlarning savdo va xizmat ko‘rsatish hududlari o‘rganildi. Jarayon davomida ajratilgan maydonlar o‘lchab ko‘rilib, faoliyatni belgilangan talablar asosida tashkil etish yuzasidan zarur tushuntirishlar berildi.
Shuningdek, vokzal hududining umumiy holati ko‘zdan kechirilib, tartib va xavfsizlik masalalariga alohida e’tibor qaratildi.
1888-yilda Samarqandda temir yo‘l stansiyasining ochilishi shahar tarixida muhim bosqich bo‘ldi. O‘sha davrda vokzal shahar tashqarisida joylashgan bo‘lib, temir yo‘l Turkistonni tashqi dunyo bilan bog‘lovchi asosiy kommunikatsiya vositasiga aylandi.
Bugungi kunda Samarqand vokzali zamonaviy infratuzilma va yuqori tezlikdagi poyezdlar bilan mamlakat transport tizimining muhim bo‘g‘ini hisoblanadi. Vaqt o‘tishi bilan vokzal va uning atrofidagi hudud tubdan yangilandi.
Har bir milliy kiyim — xalqimizning tarixiy madaniyati, an'analari va san’atidan darak beruvchi bebaho merosdir. Ushbu tashabbus xalqimizning boy qadriyatlarini yana bir bor yodga olish, milliy o‘zligimizga bo‘lgan hurmat va ehtiromni kuchaytirishga xizmat qiladi.
“Temir yo‘l vokzallari” MChJ tizimida faoliyat yuritayotgan yosh xodimlar bilan ochiq muloqot tashkil etildi. Unda direktorning marketing va servis xizmatlarini rivojlantirish bo‘yicha o‘rinbosari F. Nazarov ishtirok etib, yoshlarning taklif, tashabbus va murojaatlarini tingladi hamda ularni amaliy jihatdan o‘rganib chiqdi.
